My Writings‎ > ‎

మతం దేవుడిని స్రుష్టించిందా లేక దేవుడే మతాన్ని స్రుష్టించాడా?

posted Apr 3, 2008, 12:16 PM by Pradeep Miriyala   [ updated Sep 8, 2008, 3:12 PM ]

అనగనగా భూమి అనే గ్రహం ఉండేది. ఎవరు పంపారో తెలియదు కానీ జీవరాశి ఉద్భవించింది. (ఇంకెవరు, దేవుడేనా?)
కొంత కాలానికి ఒక వింత జీవి తిరుగాడడం ప్రారంభించింది. ఆ వింత జీవి పేరే మనిషి.
ఆ భూమిపై ఏ జీవికా జీవే ప్రత్యేకత, అన్ని జీవుల కన్నా ప్రత్యేక అవయవం, ప్రత్యేక ఆయుదం మనిషికి వచ్చింది, మెదడు. ఇంకేం ఒకే చోట రెండు అధికారాలు ఉండగలవా!!!
మెదడు కి మనసుకి యుద్దం మొదలయ్యింది.

మనసు నమ్మకమే ప్రధానం అంటుంది.. మెదడు ఆధారం ఏది అంటుంది ...
ఇలాంటి మెదడుకి ఈ జీవరాశిని ఎవరు స్రుష్టించారు అనే సందేహం వచ్చింది. మనసుకి మాత్రం తెలుసా!!!
ఎవరో తేల్చలేకపోయింది మెదడు, "నేనే విశ్వ విజేతను, నాకు తిరుగు లేదు" అనే గర్వం మొదలయ్యింది మనసులో
మనసుకి కనువిప్పు కోసమా అన్నట్టు, రోజూ మేలు కొలిపే భానుడికి గ్రహణం పట్టింది. ఈ విశ్వ విజేతనే భయపెట్టాడంటే ఎవరో మన కన్నా గొప్ప వాడు ఉన్నాడు అనుకున్న మనసు, ఇదంతా విశ్వాధినేత దేవుడి పనే అంది.

ఇంకేం, దేవుడు ఉద్భవించాడు... మనసు కోసం...

మెదడు, నమ్మలేదు ఆధారం కావాలంది. దేవుడిని చూపమంది.. మనసుకి మాత్రం తెలిస్తే కదా... మెదడునే తన మాట వినమని శాసించింది.. ఆధారాల కోసం ఆలయాలు నిర్మింపచేసింది.. మెదడు తక్కువ తిందా, ఆ ఆలయాలలో తను చూసిన విషయాలను నిఘూఢంగా భధ్ర పరిచింది ఎప్పటికైనా గెలవకపోతానా అని.

మనసు మెదడు నిరంతరాయంగా పోట్లాడుకుంటూనే ఉండసాగాయి.
మనసుని నియంత్రణలో ఉంచుకున్నవారు యోగులయ్యారు.
మెదడుని నియంత్రణలో ఉంచుకున్నవారు శాస్త్రవేత్తలయ్యారు.

యోగులకు ఆకర్షితులై మనసుని అదీనంలో ఉంచుకోలేనివారు మతాన్ని స్రుష్టించారు. అధికార దాహం పెరిగిన వారు మతాదిపతులై ప్రాంతాలను శాసించసాగారు. మెదడుని ఆధారాల కోసం వెతకవద్దన్నారు.

శాస్త్రానికి ఆకర్షితులైన వారు, కొంగ్రొత్త విషయాలను ఆవిష్కరించసాగారు.. ఓటమిని ఓర్వలేని మనసు దేవునికే ధిక్కారమా అంటూ శాస్త్రవేత్తలను కించపరచింది. మెదడుపై సానుభూతో, నిజాలపై మక్కువో, శాస్త్రవేత్తల సంఖ్య పెరగసాగింది.

శాస్త్రానికి ఆకర్షితులై మనసు చెప్పిన మాట వినే వాళ్ళ సంఖ్య పెరగసాగింది. సంఘం రెండు ముక్కలుగా చీలింది.

ఆస్తిక వర్గం మరియు నాస్తిక వర్గం.

ఆస్తిక వర్గంలో అంతర్గత తగదాలు మొదలయ్యాయి, మతాల సంఖ్య పెరగసాగింది. మత పరమైన నాస్తికులు పుట్టుకొచ్చారు. వర్గాలు పెరిగాయి. కలహాలు పెరిగాయి.

ఇంత గొడవకు కారణమైన మర్రిగింజంత ప్రశ్నకు మాత్రం సమాధానం దొరకలేదు,
అవును ఈ ప్రపంచాన్ని ఎవరు స్రుష్టించారు???

మనసుతో ఆలోచించినవాడు దేవుడు... అలాంటి దేవుళ్ళ అభిమాన సంఘాలే మతాలు.
దేవుడు శూన్యం, కానీ దైవ స్రుష్టి అనంతం.
అనంతం వైపు ప్రయాణిస్తూ శూన్యాన్ని గుర్తు పెట్టుకొనేవాడే యోగి.

As a C++ programmer, GOD is void pointer who can be assigned to any religion.

Comments