అనగనగా భూమి అనే గ్రహం ఉండేది. ఎవరు పంపారో తెలియదు కానీ జీవరాశి ఉద్భవించింది. (ఇంకెవరు, దేవుడేనా?) మనసు నమ్మకమే ప్రధానం అంటుంది.. మెదడు ఆధారం ఏది అంటుంది ... ఇంకేం, దేవుడు ఉద్భవించాడు... మనసు కోసం... మెదడు, నమ్మలేదు ఆధారం కావాలంది. దేవుడిని చూపమంది.. మనసుకి మాత్రం తెలిస్తే కదా... మెదడునే తన మాట వినమని శాసించింది.. ఆధారాల కోసం ఆలయాలు నిర్మింపచేసింది.. మెదడు తక్కువ తిందా, ఆ ఆలయాలలో తను చూసిన విషయాలను నిఘూఢంగా భధ్ర పరిచింది ఎప్పటికైనా గెలవకపోతానా అని. మనసు మెదడు నిరంతరాయంగా పోట్లాడుకుంటూనే ఉండసాగాయి. యోగులకు ఆకర్షితులై మనసుని అదీనంలో ఉంచుకోలేనివారు మతాన్ని స్రుష్టించారు. అధికార దాహం పెరిగిన వారు మతాదిపతులై ప్రాంతాలను శాసించసాగారు. మెదడుని ఆధారాల కోసం వెతకవద్దన్నారు. శాస్త్రానికి ఆకర్షితులైన వారు, కొంగ్రొత్త విషయాలను ఆవిష్కరించసాగారు.. ఓటమిని ఓర్వలేని మనసు దేవునికే ధిక్కారమా అంటూ శాస్త్రవేత్తలను కించపరచింది. మెదడుపై సానుభూతో, నిజాలపై మక్కువో, శాస్త్రవేత్తల సంఖ్య పెరగసాగింది. శాస్త్రానికి ఆకర్షితులై మనసు చెప్పిన మాట వినే వాళ్ళ సంఖ్య పెరగసాగింది. సంఘం రెండు ముక్కలుగా చీలింది. ఆస్తిక వర్గం మరియు నాస్తిక వర్గం. ఆస్తిక వర్గంలో అంతర్గత తగదాలు మొదలయ్యాయి, మతాల సంఖ్య పెరగసాగింది. మత పరమైన నాస్తికులు పుట్టుకొచ్చారు. వర్గాలు పెరిగాయి. కలహాలు పెరిగాయి. ఇంత గొడవకు కారణమైన మర్రిగింజంత ప్రశ్నకు మాత్రం సమాధానం దొరకలేదు, మనసుతో ఆలోచించినవాడు దేవుడు... అలాంటి దేవుళ్ళ అభిమాన సంఘాలే మతాలు. As a C++ programmer, GOD is void pointer who can be assigned to any religion. |
My Writings >